TVB卡通片VIP专享VIP免费

【转】 TVB卡通片------我们的童梦 送給出生在后80和90初的（1985年到1992年）（現在我們都成年了）广东小朋友睇过嘅卡通片，我哋彻底回忆下大家细个睇咗觉得最开心嘅卡通片～ 3，2，1，去片～ 《蜡笔小王国》有12种坏习惯嘅银公主……非常之傻。不过好可爱。 《IQ博士》傻到白痴，但系细个超钟意睇。 《反斗小王子》最有印象嘅系“三只小妖”合体，同埋嗰只成日唔记得自己把声嘅“din虫”（唔识写……） 《外星毛查查》毛查查嘅全名长到可以讲足全晚……主题曲系古巨基唱嘅。我钟意巨的细佬多 D咯... TVB名：《为食龙少爷》 好细个时候嘅卡通，我净系记得有条粉红色嘅龙成日“好忙啊，好忙啊，多嘻” 成日渣住个锤仔捏... 《娱乐金鱼眼》间学校入面的人超级傻得可爱，条金鱼好肥美，识得喺空中飘，个女仔叫华美子。仲有一个好奢侈嘅校董，都系女仔来噶～ 《一休和尚》巴巴闭闭巴巴闭闭一休僧～辩驳最伶俐!!每次转脑筋都要"lin"口水系个头度转啊转... 《小魔女得意妹》 ～记得个主角,5记得D内容... 《宝贝甜心》（妈妈是小学四年级生）小學四年級生夏美遇到從未來到來的美奈(譯:未來), 美奈居然係夏美自己在未來所生的小孩…… 而且後來仲俾人發現呢件事, 成為咗傳媒採訪的嘅標。最後, 美奈終於平安返回未來。值得一提嘅系, 佢嘅父親居然就系大介! 紮辮兼黑皮膚嗰个, 亦即經常同夏美頂頸嗰个啊~~ 我记得未来喺一道闪电之后由电视机里面闪出嚟～ 《飘零燕》 第一次听阿尔卑斯山。海迪有个好慈祥嘅爷爷。记得爷爷成日做芝士俾海迪食。呢部好老，星期日朝早播。我妈咪都有睇咖～ 记得个秋千,个男仔..个一群羊.. 《俏皮幻法小花仙》 唔记得小花仙個名，但系记得佢间屋系好可爱嘅花屋，圆形尖顶，粉红色花瓣屋瓦，五片花瓣的花园。景好靓噶，全部都系五颜六色花花草草～ 总之周围都系花喇.. 《美少女战士》 你你你快跪下.....(玉女周慧敏)... 我要替月行道,警恶惩奸！（我觉得比“我要代替月亮惩罚你！”译得有水平多了）超经典啊～少女漫画嘅代表，我谂以前应该冇任何一个女仔冇钟意过佢哋呱～由《美少女战士》到《美少女战士R》到《美少女战士S》到《美少女战士Super S》到《美少女战士 最后星光》，全部睇晒。 《长腿叔叔》 长腿叔叔你好吗?交出温馨的心是你吗～ 都系星期日早播嘅，未睇齐，细个嗰阵，完全唔明朱迪同长腿叔叔嘅感情，原来系爱情-_-||| 《足球小将》 话比我地知...只有努力，先可以实现梦想...