嘉兴童谣 你姓啥？我姓黄，啥个黄？草头黄，啥个草？稻草，啥个稻？早稻，啥个早？早上，啥个上？上头，啥个头？…1969年，待你姆妈吃碗肉絲面！ 小孩抱公鸡，公鸡啄蜜蜂，蜜蜂叮瘌痢，瘌痢背洋枪，洋枪打老虎，老虎吃小孩… 田田畈畈，翻过南山。南山北斗，水津潼关。狸猫合煞，杨柳直脚。 山上有老虎，老虎要吃人，关了笼子里，笼子破脱，老虎逃脱，逃到天津，买包味精，摆了水里浸一浸，变做狐狸精。 我是一个兵，从小卖大饼，医生讲我腰子病，吓出我心脏病。 向前进，向前进，走到大门口，跌了个大跟斗，拉起来，摸摸看，头上有个疤，越想越难看，只想跳黄河。 冬瓜皮，西瓜皮，小姑娘赤膊老面皮。 冬瓜皮，西瓜皮，你妈妈大肚皮。 落雨了，打烊了小八拉子开会了，矮子老板拖地板。 我来讲只故事，故事里厢有只免子。兔子跑了，故事完了。 誰放的臭屁，震动了大地。大地的人民，拿起了武器，赶走了美帝。 新剃白白头，勿敲三记触霉头，一！二！三！ 新剃白白头，勿敲三记触霉头，本来要敲千千万万记，现在辰光来不及，马马虎虎敲三记，一！二！三！ 老头子老太婆打乒乓，老头子罩，老太婆削，削罩削罩有名堂。 三三三，淘米烧夜饭，烧点啥小菜，酱萝卜大头菜。 从前有个老伯伯，年纪活到八十八，跑到北丽桥，买碗八宝饭，洋钿用脱八十八块八角八分八厘八毫八。 鸡鸡斗，蓬蓬飞，一飞飞到稻田里，稻田里厢吃白米。 马林糖，马林糖，三分洋钿马林糖，玫瑰香蕉马林糖。 乡下人，到上海，上海闲话讲勿来，米西米西炒咸菜。 嘉兴方言歇后语 脚炉盖当镜子照——看穿 老母鸡生疮——毛病 缺嘴吃鼻涕——落路 兔子的鼻头——难捏 太湖边上搅马桶——野划划 六指头掐卦——脱出一卦 王店人卖饭——自落台 旧衣裳染色——加新（嘉兴） 狗头上放油盏——勿稳 门槛上放鸡蛋——勿晓得滚进还是滚出 蜻蜓吃尾巴——自吃自 顶只石臼做戏——吃力不讨好 养媳妇做媒人——自身难保 城头上出棺材——近打轱辘远盘转 麻绳串豆腐——拎勿牢 过桥落篷——迟了 叫花子吃死蟹——只只好 油炒枇杷核——滑又滑 和尚拜丈母——第一回 拉污带拔茅针——一带两便 豆芽菜碰着廊檐下——老嫩 弹花店里死了老板娘——勿弹（谈） 六月里还租米——迟还（池湾，嘉兴老地名） 被头里放屁——独吞 乌龟掼石板——硬碰硬 放屁脱裤子——讨劳碌 哑子吃苦...
